စင်းခန်းတံတားအနီး တိုက်ပွဲမှာ အာဏာသိမ်းစစ်တပ် တပ်ဖွဲ့ဝင် ၃၀ နီးပါး သေဆုံးပြီး သေနတ် ၂၈ လက် သိမ်းဆည်းရရှိ

စင်းခန်းတံတားအနီး တိုက်ပွဲမှာ အာဏာသိမ်းစစ်တပ် တပ်ဖွဲ့ဝင် ၃၀ နီးပါး သေဆုံးပြီး သေနတ် ၂၈ လက် သိမ်းဆည်းရရှိ

စက်တင်ဘာ ၁၀

ကချင်ပြည်နယ်၊ ရွှေကူမြို့နယ်၊ စင်းခန်းတံတားအနီးမှာ တိုက်ပွဲတွေ ဆက်လက်ဖြစ်ပွားနေပြီး ၂ ရက်အတွင်း အာဏာသိမ်းစစ်တပ် တပ်ဖွဲ့ဝင် ၃၀ ကျော် သေဆုံးခဲ့သလို လက်နက် ခဲယမ်းတွေလည်း သိမ်းဆည်းရရှိခဲ့တယ်လို့ ကချင်စစ်ရေးသတင်း ရင်းမြစ်ထံက သိရပါတယ်။

အဆိုပါ သေဆုံးမှုအရေအတွက်ဟာ စက်တင်ဘာလ ၈ ရက်နဲ့ ၉ ရက်နေ့က အရေတွက်တွေ ဖြစ်တယ်လို့ ဆိုပါတယ်။

"စက်တင်ဘာ ၈ ရက်နေ့က သေနတ် ၁၉ လက်၊ စက်တင်ဘာ ၉ ရက်နေ့က သေနတ် ၉ လက် သိမ်းဆည်းရရှိတယ်။ စစ်တပ်ဘက်က အယောက် ၃၀ ကျော် သေဆုံး” လို့ ကချင်စစ်ရေးသတင်း ရင်းမြစ်က ပြောပါတယ်။

စစ်သင်္ဘောတွေရဲ့ အခြေအနေနဲ့ ပတ်သက်ပြီး "ဗန်းမော်က ဆင်းလာတာက ၂ စီး၊ မန္တလေးဘက်က တက်လာတဲ့ ၂ စီး စုစုပေါင်း ၄ စီးကို တစ်နေ့တည်း ဖျက်ဆီးလိုက်နိုင်တယ်" လို့ ပြောပါတယ်။

အာဏာသိမ်း စစ်တပ်က ဗန်းမော်မြို့ကို ပြန်လည်ထိန်းချုပ်နိုင်ရေးအတွက် မန္တလေးမြို့ကနေ ဒုတိယအကြိမ်အဖြစ် တိုက်ခိုက်ရေး သင်္ဘောတွေပါဝင်တဲ့ ရေယာဉ်အုပ်စုဟာ စက်တင်ဘာလ ၄ ရက်နေ့မှာ ထွက်လာတာ ဖြစ်ပါတယ်။

မန္တလေးကနေ ဆန်တက်လာတဲ့ အာဏာသိမ်းစစ်တပ်ရဲ့ တိုက်ခိုက်ရေး သင်္ဘော ၃ စီးနဲ့ သံခွန် ၁ စီးတို့ဟာ စက်တင်ဘာလ ၉ ရက်နေ့ မနေ့က ညနေပိုင်းမှာ ကသာမြို့ကို ရောက်ရှိလာပြီး အခြားသင်္ဘော ၂၇ စီးဟာ မြတောင်၊ မောင်းကုန်းရွာမှာ ကမ်းကပ်ခဲ့တယ်လို့ ရေပြင် ကင်းထောက်ချန်နယ်က ဖော်ပြထားပါတယ်။

မြို့တော် News Channel