အဆိုတော် ဆက်နိုင် စစ်မှုထမ်းဆင့်ခေါ်စာ ပေးပို့ခံရပြီးနောက် ထွက်ပြေးတိမ်းရှောင်နေပြီး မိသားစုနဲ့ အဆက်အသွယ်ပြတ်တောက်နေ
ဇူလိုင် ၃၀
မန္တလေးတိုင်း၊ တံတားဦးမြို့နယ်၊ အမှတ်(၂)၊ ဆုံကုန်း ရပ်ကွက်နေ အဘ ဦးတာတာထွန်း ရဲ့ သားဖြစ်သူ အဆိုတော် ဆက်နိုင် (ခ) ဆက်နိုင်ထွန်း ဟာ စစ်မှုထမ်းဖို့ အသက်အရွယ် ရောက်သူအဖြစ် မှတ်ပုံတင် စာရင်းသွင်းဖို့ ဆင့်ခေါ်ခံရပြီးနောက် ထွက်ပြေးတိမ်းရှောင်နေတယ်လို့ သိရပါတယ်။
အဆိုတော် ဆက်နိုင် ဟာ စစ်မှုထမ်းဖို့ အသက်အရွယ် ပြည့်မြောက်ပြီးသူ ဖြစ်တာကြောင့် စစ်မှုထမ်းဖို့ အသက်အရွယ်ရောက်သူအဖြစ် မှတ်ပုံတင် စာရင်းသွင်းရန်အတွက် တံတားဦးမြို့နယ် ပြည်သူ့စစ်မှုထမ်းဆင့်ခေါ်ရေးအဖွဲ့က ဇူလိုင်လ ၂၅ ရက်နေ့မှာ ဆင့်ခေါ်စာ ထုတ်ပြန်ခဲ့တာပါ။
အဆိုပါ စစ်မှုထမ်း မှတ်ပုံတင်စာရင်းသွင်းဖို့ ဆင့်ခေါ်စာဟာ ကိုဆက်နိုင် ရဲ့ တံတားဦးမြို့နယ်မှာရှိတဲ့ နေအိမ်ကို အာဏာသိမ်းစစ်တပ် လက်အောက်ခံ စစ်သားတွေနဲ့ ရပ်ကွက်အုပ်ချုပ်ရေးမှူး အပါအဝင် လူ ၃ ယောက်က ဇူလိုင်လ ၂၈ ရက်နေ့ ညနေ ၄ နာရီကျော်ခန့်က လာပို့ခဲ့တာ ဖြစ်တယ်လို့ သိရပါတယ်။
"၂၈ ရက်နေ့ ညနေ ၄ နာရီကျော်မှာ ဆင့်ခေါ်စာလာပို့တယ်။ စစ်သားတွေနဲ့ အုပ်ကြီးက ဘေးအိမ်တွေကို သူ့ကို စောင့်ကြည့်ဖို့ မှာသွားတယ်။ ဆက်နိုင် က အဲ့ဒီည ၂ နာရီကျော်လောက်က အဝတ်အစားထုပ်နဲ့ ခိုးထွက်သွားတာ။ သူ့အကောင့်မှာတော့ ဇူလိုင် ၂၉ ရက်နေ့က ဆင့်ခေါ်စာ ပေးပို့ခံရမှုနဲ့ ပတ်သက်ပြီး ပို့စ်တင်ထားတယ်။ ခုတော့ ဘယ်ကို ရှောင်ပြေးနေလဲ မသိရသေးဘူး။ မိသားစုကိုလည်း အဆက်အသွယ် မလုပ်ဘူး" လို့ ဆက်နိုင် ရဲ့ မိတ်ဆွေ တဦးက မြို့တော်ကို ပြောပါတယ်။
အသက် ၃၂ နှစ်အရွယ် ရှိပြီဖြစ်တဲ့ အဆိုတော် ဆက်နိုင် (ခ) ဆက်နိုင်ထွန်း ကို စစ်မှုထမ်း မှတ်ပုံတင် စာရင်းသွင်းဖို့ တံတားဦးမြို့နယ် ထွေအုပ်ရုံး သို့ ဇူလိုင်လ ၃၀ ရက်နေ့မှာ လာရောက်သတင်းပို့ရမယ်လို့ အကြောင်းကြားခဲ့တာ ဖြစ်ပါတယ်။
ပေါက်ကိုယ်တော်က ဇာတ်သဘင်အဖွဲ့တွေဖြစ်တဲ့ အောင်ဇမ္ဗူ၊ ဖိုးချစ်နှင့် စမ်းရေမိုး တို့ကို ပေါ်တာဆွဲဖို့ တိုက်တွန်းခဲ့ပြီး လိုအပ်ပါက သူ့ကို လုပ်ပိုင်ခွင့်ပေးရင် အားလုံးကို ဖမ်းဆီး ပေါ်တာဆွဲပေးမယ်လို့ ပြောဆိုခဲ့ပြီးနောက် အနုပညာရှင်တွေထဲမှာ ကိုဆက်နိုင်ဟာ စစ်မှုထမ်း ဆင့်ခေါ်စာ ပေးပို့ခံရသူ ဖြစ်ပါတယ်။
မြို့တော် News Channel
ပြည်တွင်းသတင်း
မန္တလေးတိုင်း၊ တောင်သာမြို့နယ်မှာ PDF ရဲဘော်အချင်းချင်း သေနတ် လုကြရာက သေနတ်ကျည်ထွက်ပြီး ပကဖ တာဝန်ခံ အမျိုးသမီး လက်မောင်းမှတဆင့် ခန္ဓာကိုယ်ထဲသို့ ကျည်ဖောက်ဝင်ကာ တိုက်နယ်ပကဖ တာဝန်ခံအမျိုးသမီးဖြစ်သူ…
ပြည်တွင်းသတင်း
အာကာသထဲကို မြန်မာက ကိုယ်ပိုင်ဂြိုဟ်တု လွှတ်တင်နိုင်ဖို့အထိ လုပ်ဆောင်နေတယ်လို့ အာဏသိမ်း စစ်ခေါင်းဆောင် မင်းအောင်လှိုင်က ပြောနေချိန် မိုးကြီးလို့ ဒုက္ခရောက်နေတဲ့ ပြည်သူတွေကတော့ ရေဘေးကိစ္စကို အရင်ရှင်းပေးသင့်တယ်လို့ ဝေဖန်ပြောဆိုနေကြပါတယ်။
ရန်ကုန်-မော်လမြိုင်ကားလမ်းမှာ ယာဉ် ၃ စီးဆင့်တိုက်ကာ ၁၂ ဦး ထိခိုက်ဒဏ်ရာရတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် ဇူလိုင်လ ၃၀ ရက်နေ့သတင်းများ နားဆင်နိုင်ပါပြီ
ပြည်တွင်းသတင်း
အမျိုးသားညီညွတ်ရေးအတိုင်ပင်ခံ ကောင်စီ (NUCC)၊ အမျိုးသားညီညွတ်ရေး အစိုးရ (NUG) တို့နှင့်အတူ ပြည်ထောင်စုလွှတ်တော် ကိုယ်စားပြုကော်မတီ (CRPH)၊ စစ်ကိုင်း၊ မကွေး၊ မန္တလေး ဖက်ဒရယ်ယူနစ်တွေက ကမကထပြုပြီး…
