ပုလဲမြို့နယ်ထဲက ကျေးရွာတချို့မှာ အရေပြားရောဂါဖြစ်ပွားနေပြီး ဆေးဝါးအကူအညီလိုအပ်နေ

ပုလဲမြို့နယ်ထဲက ကျေးရွာတချို့မှာ အရေပြားရောဂါဖြစ်ပွားနေပြီး ဆေးဝါးအကူအညီလိုအပ်နေ

ဇူလိုင် ၂၂

စစ်ကိုင်းတိုင်း၊ ပုလဲမြို့နယ်ထဲက ကျေးရွာတရွာရှိ NUG ကြားကာလ ပညာရေးကျောင်းတကျောင်းမှာ အရေပြားရောဂါတွေ ဖြစ်ပွားနေပြီး ဆေးဝါးအကူအညီတွေလည်း လိုအပ်နေတယ်လို့ သိရပါတယ်။

အဆိုပါ NUG ကြားကာလ ပညာရေးကျောင်းမှာ ကျောင်းသား ၂၀ ခန့်ဟာ အရေးပြားရောဂါတွေ ခံစားနေကြရပြီး ပတ်ဝန်းကျင်ရှိ ကျေးရွာတွေမှာလည်း ခံစားနေကြရတယ်လို့ ဆိုပါတယ်။

“ကလေးအယောက် ၂၀ လောက် ဖြစ်နေတာ။ ဆေးက တစ်ယောက်ကို ၇ ရက်လောက်တော့ သောက်ခိုင်းရမယ်။ လိုအပ်နေတဲ့ ဆေးဝါးတွေကတော့ Antibiotic နဲ့ အရေပြားလိမ်းဆေးတွေပါ။ ကလေးတွေ သဘောသဘာဝအရ အတူတူဆော့ကြတော့ တယောက်နဲ့ တယောက် ကူးစက်မြန်သွားတာလည်း ပါတယ်။ ကလေးတွေက ယားလို့ကုတ်တာကနေ လက်သည်း တွေကတဆင့် ပိုးဝင်ပြီး အနာတွေ ပိုဆိုးလာတာ" လို့ ဒေသခံ စေတနာ့ကျန်မာရေးဝန်ထမ်းတဦးက မြို့တော်ကို ပြောပါတယ်။

အဆိုပါ အရေပြား ရောဂါတွေဟာ ရေကြောင့် ဖြစ်နိုင်တယ်လို့ သိရပြီး ကျေးရွာမှာ ကူးစက်ခံနေရသူတွေဟာလည်း ငွေကြေး မတတ်နိုင်တာကြောင့် ဆေးဝါးသုံးစွဲနိုင်မှုမရှိဘဲ တယောက်ကနေတဆင့် ကူးရာကနေ ပိုမိုပြန့်နှံ့လာတာဖြစ်တယ်လို့ သိရပါတယ်။

မြို့တော် News Channel