ရုပ်သံ
ပြည်တွင်းသတင်း
နိုဝင်ဘာ ၆ ရက်နေ့ မြို့တော်ရဲ့ ညစဉ်သတင်းများ
၂၀၂၆ ခုနှစ် နိုဝင်ဘာ ၆ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
နှစ်ရက်အတွင်း ရှမ်းတောင်နဲ့ မွန်ပြည်နယ်မှာ မိုးကြိုးပစ်ခံရလို့ ၃ ဦး သေဆုံးပြီး ၉ ဦး ဒဏ်ရာရ
၂၀၂၆ နိုဝင်ဘာ ၆
Myo Taw
နှစ်ရက်အတွင်း ရှမ်းတောင်နဲ့ မွန်ပြည်နယ်မှာ မိုးကြိုးပစ်ခံရလို့ ၃ ဦး သေဆုံးပြီး ၉ ဦး ဒဏ်ရာရ
နိုဝင်ဘာ ၆
ရှမ်းပြည်နယ်(တောင်ပိုင်း)၊ ပင်လောင်းမြို့နယ်နဲ့ ဟဲဟိုးမြို့တို့မှာ တနေ့တည်း မိုးကြိုးထိမှန်လို့ ၂ ဦး သေဆုံးပြီး ၅ ဦး ဒဏ်ရာရခဲ့တယ်လို့ သိရပါတယ်။
နိုဝင်ဘာလ ၅ ရက်နေ့ မွန်းလွဲ ၃ နာရီဝန်းကျင်က ပင်လောင်းမြို့နယ်၊ လွယ်မောကျေးရွာအုပ်စု၊ ဘုရားဖြူကျေးရွာက အာလူးစိုက်ခင်းထဲမှာ ရုတ်တရက် မိုးထစ်ချုန်း ရွာသွန်းပြီး မိုးကြိုးပစ်ခံရလို့ အသက် ၅၇ နှစ်အရွယ် အမျိုးသား ၁ ဦး သေဆုံးပြီး အမျိုးသမီး ၁ ဦး ထိခိုက်ဒဏ်ရာရရှိခဲ့ကာ တီကျစ်ဆေးရုံကို ဒေသခံတွေက ဝိုင်းဝန်းပို့ဆောင်ခဲ့ရတယ်လို့ သိရပါတယ်။
"အာလူးစိုက်ခင်းက ကွင်းပြင်လို ဖြစ်နေတော့ မိုးကြိုးစက်ကွင်း ထိတာ၊ မိုးက မများဘူး၊ ရုတ်တရက် အုံံ့လာပြီး ရွာရွာချင်းပဲ မိုးကြိုးပစ်ချတာ" လို့ ဒေသခံတဦးက ပြောပါတယ်။
အလားတူ နိုဝင်ဘာလ ၅ ရက်နေ့ မွန်းလွဲ ၁ နာရီခွဲခန့်ကလည်း ပင်လောင်းမြို့နယ်၊ ရင်းမှီးရပ်ကွက်၊ ပင်လောင်း-ထီတလိ လမ်းမဘေးက ခရမ်းချဥ်စိုက်ခင်းထဲမှာ ပင်လောင်းမြို့နယ်၊ စင်းတောင်းကျေးရွာအုပ်စု၊ ထီတလိကျေးရွာက အသက် ၃၃ နှစ်အရွယ် အမျိုးသား ၂ ဦး၊ အမျိုးသမီး ၁ ဦးတို့ စိုက်ခင်းပေါင်းရှင်းနေချိန်
မိုးကြိုးထိမှန်ပြီး အမျိုးသား ၁ ဦး သေဆုံးကာ ကျန် ၂ ဦး ထိခိုက်ဒဏ်ရာရရှိခဲ့တာကြောင့် ပင်လောင်းဆေးရုံကို အရေးပေါ်ပို့ဆောင်ခဲ့ရတယ်လို့ သိရပါတယ်။
"လင်မယား ၂ ယောက်နဲ့ သူတို့မောင်ရယ် မိုးကြိုးစက်ကွင်း မလွတ်တာ၊ ၃ ယောက်လုံး ထိတယ်၊ အသက် ၃၃ နှစ် အရွယ် ခွန်မိုးသိန်းဇော်က နေရာမှာပဲ ဆုံးသွားတယ်၊ ကျန်တဲ့ လင်မယား ၂ ယောက်က သတိလစ်ပြီး ဒဏ်ရာတွေ ရထားတယ်၊ ဆေးရုံတင်ထားရတယ်၊ နိုဝင်ဘာလ ၄ ရက်နေ့ကလည်း ခုဖြစ်တဲ့ နေရာဘေးကကွင်းမှာ မိုးကြိုးထိလို့ ၄ ယောက် ဆေးရုံတင်လိုက်ရသေးတယ်၊ ခုညနေပဲ ဘုရားမဲရွာက ဦးမောင်အေး အိမ်ကို မိုးကြိုးပစ်လို့ အိမ်က လျှပ်စစ်ပစ္စည်းအကုန် ပျက်စီးသွားတယ်၊ လူတော့ မသေဘူး၊ ခုရက်ထဲကို မိုးကြိုး တောက်လျှောက်ပစ်ခံ နေရတယ်" လို့ ဒေသခံတဦးက ပြောပါတယ်။
အလားတူ နိုဝင်ဘာလ ၅ ရက်နေ့ ညနေ ၄ နာရီခန့်က ရှမ်းပြည်နယ်၊ ဟဲဟိုးမြို့၊ ဘော်နင်းအုပ်စု၊ ချောင်နီတောင်ကျေးရွာက လယ်ကွင်းထဲ စိုက်ပျိုးနေချိန် မိုးသည်းထန်စွာ ရွာသွန်းပြီး မိုးကြိုးပစ်ချခံရလို့ အမျိုးသား ၂ ဦး စက်ကွင်းမိကာ ထိခိုက်ဒဏ်ရာ ရရှိခဲ့သေးတယ်လို့ သိရပါတယ်။
ပြီးခဲ့တဲ့ နိုဝင်ဘာလ ၄ ရက်နေ့ မွန်းလွဲ ၂ နာရီခန့်ကလည်း မွန်ပြည်နယ်၊ သထုံမြို့နယ်၊ ကဒိုက်ကလေးကျေးရွာ၊ ကွက်သစ်ပိုင်းက ကောက်ရိုးပုံအနီး အသက် ၄ နှစ်နဲ့ ၈ နှစ်ဝန်းကျင် ကလေးငယ် ၃ ဦး ဆော့ကစားနေချိန် မိုးကြိုးထိမှန်လို့ အသက် ၄ နှစ်အရွယ် မောင်ညီသုတ တကိုယ်လုံးပြာနှမ်းပြီး သေဆုံးခဲ့တယ်လို့ သိရပါတယ်။
မြို့တော် News Channel
ဓာတ်ပုံများ (2)
ဆက်စပ် သတင်းများ
ရုပ်သံ
ပြည်တွင်းသတင်း
ပြည်တွင်းသတင်း
'ဘုရင်' ယာဉ်လိုင်းက ဂိတ်မှူးနဲ့ စာရေးတွေကို PDF သတင်းပေးလုပ်တယ်လို့ဆိုကာ ထောင် ၅၄ နှစ်နဲ့ ၃၄ နှစ်စီ မတရားအမိန့်ချ
စစ်ကိုင်းတိုင်း၊ ရွှေဘိုမြို့ ကားကြီးကွင်းအတွင်း ပြေးဆွဲနေတဲ့ 'ဘုရင်' အဝေးပြေးမော်တော်ယာဉ်လိုင်းက ဂိတ်မှူးနဲ့ စာရေးဝန်ထမ်း ၂ ဦးကို PDF သတင်းပေးလုပ်တယ်လို့ဆိုကာ အာဏာသိမ်းစစ်တပ်က ဖမ်းဆီးပြီး…
ပြည်တွင်းသတင်း
မော်လူးမှာ ရပ်နားထားတဲ့ ယာဉ်တန်းပေါ် Drop ဗုံးကျလို့ ကား ၂ စီး ပျက်စီးကာ အမျိုးသမီး ၁ ဦး ထိခိုက်ဒဏ်ရာရ
စစ်ကိုင်းတိုင်းနဲ့ ကချင်ပြည်နယ်အစပ်အနီး၊ ရွှေဘို-မြစ်ကြီးနား လမ်းပေါ်က မော်လူးမြို့မှာ ပိတ်မိနေတဲ့ ကားတန်း Drop ဗုံးနဲ့ ကြဲချခံရလို့ ဈေးသည် ၁ ဦး ထိခိုက်ကာ…
ပြည်တွင်းသတင်း
ဝမ်ပေါင်ကြေးနီစီမံကိန်းမှာ Non-CDM ဝန်ထမ်း ၂ ဦး နေရာလုရင်း စကားများရာက ဓားထိုးမှုဖြစ်ပြီး ၁ ဦး သေဆုံး
စစ်ကိုင်းတိုင်း၊ ဆားလင်းကြီးမြို့နယ် ဝမ်ပေါင်ကြေးနီစီမံကိန်းမှာ Non-CDM ဝန်ထမ်း အချင်းချင်း လုပ်ပိုင်ခွင့်အာဏာ နေရာလုကြရာကနေ လူသတ်မှု ဖြစ်ခဲ့တယ်လို့ သိရပါတယ်။
