နေပြည်တော် သီရိရတနာ အဆင့်မြင့်ဈေးအနီးမှာ လူသတ်ပြီး ဆိုင်ကယ်လုယက်ခဲ့တဲ့ တရားခံ ၂ ဦးကို မသေမချင်း ကြိုးကွင်းစွပ် သေဒဏ်ချမှတ်

နေပြည်တော် သီရိရတနာ အဆင့်မြင့်ဈေးအနီးမှာ လူသတ်ပြီး ဆိုင်ကယ်လုယက်ခဲ့တဲ့ တရားခံ ၂ ဦးကို မသေမချင်း ကြိုးကွင်းစွပ် သေဒဏ်ချမှတ်

ဇူလိုင် ၂၁

နေပြည်တော်၊ ဇမ္ဗူသီရိမြို့နယ်၊ သီရိရတနာ အဆင့်မြင့်ဈေးအနီးမှာ လူသတ်ပြီး ဆိုင်ကယ် လုယက်ခဲ့တဲ့ အမျိုးသား ၂ ဦးကို မသေမချင်း ကြိုးကွင်းစွပ် သေဒဏ်၊ အလုပ်နဲ့ ထောင်ဒဏ် (၁၀)နှစ် အမိန့်ချလိုက်တယ်လို့ သိရပါတယ်။

၂၀၂၅ ခုနှစ် ဇူလိုင်လ ၂၈ ရက်နေ့ မနက်ပိုင်းက နေပြည်တော်၊ ဇမ္ဗူသီရိမြို့နယ်၊ သီရိရတာနာ အဆင့်မြင့်ဈေး ဆိုင်းဘုတ်အနီး သီရီအနော်ရထာ (၁၁)လမ်းမှာ CANDA- 110 ဆိုင်ကယ် စီးနင်းလာတဲ့ အသက် (၂၇)နှစ် အရွယ်ရှိ ကိုကျော်ဝင်းထွန်းကို ကိုကျော်ထက်ဦးနဲ့ ကိုအောင်သူဝင်း (ခ) ကိုသူက တို့က ဓားနဲ့ ထိုးသတ်ကာ ဆိုင်ကယ်လုယက်သွားခဲ့တာ ဖြစ်ပါတယ်။

ဆိုင်ကယ်လုယက် သတ်ဖြတ်ခံရသူ ကိုကျော်ဝင်းထွန်းဟာ ခန္ဓာကိုယ်အနှံ့ ထိုးသွင်းဒဏ်ရာတွေ ရရှိခဲ့ပြီး နေပြည်တော် ခုတင်-၁၀၀၀ ပြည်သူ့ဆေးရုံကြီးသို့ ပို့ဆောင်စဉ်မှာ သေဆုံးသွားခဲ့တာ ဖြစ်ပါတယ်။

ပြစ်မှုကျူးလွန်သူ တရားခံ ကျော်ထက်ဦးနဲ့ အောင်သူဝင်း (ခ) ကိုသူ တို့ကို ၂၀၂၅ ခုနှစ် ဇူလိုင်လ ၃၀ ရက်နေ့မှာ ဖမ်းဆီးနိုင်ခဲ့ပြီး ပျဉ်းမနားခရိုင် တရားရုံးမှာ ရာဇဝတ်ကြီးမှုအမှတ် ၅၆/၂၀၂၅ ဖြင့် တရားစွဲခဲ့တာ ဖြစ်ပါတယ်။

အဆိုပါအမှုဟာ တစ်နှစ်ကျော် ကြာမြင့်ခဲ့ပြီး တရားခံတွေဖြစ်တဲ့ ကျော်ထက်ဦး နှင့် အောင်သူဝင်း (ခ) ကိုသူ တို့ကို မသေမချင်း လည်ပင်းကြိုးကွင်းစွပ် သတ်စေရန်နှင့် အလုပ်နှင့် ထောင်ဒဏ် (၁၀)နှစ်တိတိ ကျခံစေရန် ပျဉ်းမနား ခရိုင်တရားရုံးက ဇူလိုင်လ ၂၀ ရက် မနေ့က အမိန့်ချမှတ်လိုက်တာ ဖြစ်ပါတယ်။

မြို့တော် News Channel