ကိုယ်ဝန်ပျက်ကျပြီး ၉ လသားအရွယ် သန္ဓေသားအလောင်းကို ရေခဲသေတ္တာထဲ ထည့်ထားခဲ့တဲ့ အမျိုးသမီး စစ်ဆေးခံနေရ

ကိုယ်ဝန်ပျက်ကျပြီး ၉ လသားအရွယ် သန္ဓေသားအလောင်းကို ရေခဲသေတ္တာထဲ ထည့်ထားခဲ့တဲ့ အမျိုးသမီး စစ်ဆေးခံနေရ

စက်တင်ဘာ ၃၀

ထိုင်းနိုင်ငံ၊ ဘန်ကောက်မြို့၊ ဘန်ကပီခရိုင်ထဲက နာမည်ကြီးဟိုတယ်တခုမှာ ကိုယ်ဝန်ပျက်ကျပြီးနောက် ၉ လအရွယ် သန္ဓေသားအလောင်းကို အမည်းရောင်ပလတ်စတစ်အိတ်ထဲထည့်ကာ ရေခဲသေတ္တာအတွင်း သိမ်းထားခဲ့တဲ့ အသက် ၂၁ နှစ်အရွယ် အမျိုးသမီးကို ထိုင်းရဲတပ်ဖွဲ့က ဖမ်းဆီးစစ်ဆေးနေတယ်လို့ သိရပါတယ်။

စက်တင်ဘာ ၂၉ ရက် ည ၉ နာရီခွဲခန့်မှာ ရမ်ခမ်ဟန်လမ်း ၄၀ အနီးက ဟိုတယ်တခုမှာ အမျိုးသမီးတဦး ကိုယ်ဝန်ပျက်ကျနေကြောင်း သတင်းရရှိတာကြောင့် ဟွာမတ်ရဲစခန်းက ရဲတပ်ဖွဲ့ဝင်တွေ သွားရောက်စစ်ဆေးခဲ့ပြီး အသက် ၂၁ နှစ်အရွယ် ထိုင်းနိုင်ငံသူ ကက်ဆာရာ ဆိုသူကို အခင်းဖြစ်အခန်းထဲမှာတင် ဖမ်းဆီးရမိခဲ့တာလို့ ဆိုပါတယ်။

စစ်ဆေးချက်တွေအရ ကက်ဆာရာဟာ Dating App ကတဆင့် တရုတ်အမျိုးသားတဦးနဲ့ ဟိုတယ်အခန်းမှာ တွေ့ဆုံဖို့ စီစဉ်ခဲ့ပြီး ဩဂုတ် ၃၀ ရက်နေ့မှာ ဟိုတယ်ကို လာရောက်တည်းခိုနေခဲ့တာ ဖြစ်တယ်လို့ ဆိုပါတယ်။

ရဲတပ်ဖွဲ့က ဟိုတယ်အခန်းကို ဆက်လက်ရှာဖွေရာ ဩဂုတ် ၂၄ ရက်က အွန်လိုင်းကနေ မှာယူထားတဲ့ ကိုယ်ဝန်ဖျက်ဆေးတွေကို တွေ့ရှိခဲ့ရပြီး စက်တင်ဘာ ၅ ရက်နေ့မှာ ဆေး ၁ လုံးနဲ့ စက်တင်ဘာ ၆ ရက်နေ့မှာ နောက်ထပ် ဆေး ၄ လုံး သောက်ခဲ့တယ်လို့ ကက်ဆာရာက ဝန်ခံထွက်ဆိုထားပါတယ်။

ရဲတပ်ဖွဲ့ရဲ့ စစ်ဆေးချက်တွေအရ စက်တင်ဘာ ၂၇ ရက်နေ့မှာ ဝမ်းဗိုက်နာကျင်ပြီး ဟိုတယ်အခန်းထဲမှာတင် ကိုယ်ဝန်ပျက်ကျခဲ့ပြီး ၉ လအရွယ် သန္ဓေသားအလောင်းကို အမည်းရောင်အိတ်ထဲ ထည့်ကာ ရေခဲသေတ္တာထဲ သိမ်းထားခဲ့တယ်လို့ သိရပါတယ်။

လက်ရှိမှာ ကက်ဆာရာကို ရဲတပ်ဖွဲ့က ဆက်လက်စစ်ဆေးမေးမြန်းနေပြီး သက်သေခံပစ္စည်း အားလုံးကိုလည်း သိမ်းဆည်းကာ အမှုတွဲတည်ဆောက်ပြီး ဟွာမတ်ရဲစခန်းက အမှုစစ်အရာရှိထံ လွှဲပြောင်းပေးထားတယ်လို့ သိရပါတယ်။

Ref & Photo: Matichon

မြို့တော် News Channel