ဝက်မွေးမြူရေးခြံက မစင်ကျင်းထဲ ပြုတ်ကျသူကို ကယ်ဖို့ကြိုးစားရင်း ဦးလေးနဲ့ တူဖြစ်သူ အပါအဝင် ၃ ဦးစလုံး သေဆုံး
နိုဝင်ဘာ ၅
စပိန်နိုင်ငံက ဝက်မွေးမြူရေးခြံတခုရဲ့ တိရစ္ဆာန်မစင်စွန့်ပစ်တဲ့ ကျင်းထဲ လူတဦး ပြုတ်ကျခဲ့ရာကနေ ကယ်ဆယ်ဖို့ ကြိုးစားခဲ့သူ ၃ ဦး အဆိပ်ငွေ့ရှူမိပြီး အသက်ရှူကျပ်ကာ သေဆုံးခဲ့တယ်လို့ သိရပါတယ်။
ဖြစ်စဉ်ဟာ နိုဝင်ဘာ ၄ ရက်နေ့က ပမ်ပလိုနာမြို့တောင်ဘက် မိုင် ၃၀ ခန့်အကွာ ပီတီယက်စ်မြို့နယ်အနီးက ဝက်မွေးမြူရေးခြံမှာ ဖြစ်ပွားခဲ့တာဖြစ်ပြီး ကယ်ဆယ်ရေးအဖွဲ့တွေ ရောက်လာချိန်မှာတော့ သုံးဦးစလုံးဟာ သေဆုံးနေပြီ ဖြစ်ပါတယ်။
သေဆုံးသူတွေဟာ အသက် ၆၁ နှစ်အရွယ် ခြံပိုင်ရှင်၊ သူ့ရဲ့ အသက် ၃၇ နှစ်အရွယ် တူဖြစ်သူနဲ့ အသက် ၃၃ နှစ်အရွယ် အလုပ်သမားတဦးတို့ ဖြစ်တယ်လို့ ဒေသခံ ရဲတပ်ဖွဲ့က အတည်ပြုထားပါတယ်။
ရဲတပ်ဖွဲ့ရဲ့ ကနဦးယူဆချက်အရ သူတို့သုံးဦးထဲက တစ်ဦးဟာ မစင်ကျင်းထဲ ပြုတ်ကျခဲ့ပြီး ကျန်နှစ်ဦးက ဆင်းကယ်ဆယ်ဖို့ ကြိုးစားရင်း အဆိပ်ငွေ့တွေ ရှူမိကာ သေဆုံးခဲ့တာလို့ ဆိုပါတယ်။
သေဆုံးသူ သုံးဦးစလုံးဟာ အနီးအနားက ကာပါရိုဆိုမြို့မှာ နေထိုင်သူတွေ ဖြစ်ပြီး ပီတီယက်စ်မြို့တော်ဝန်က ဝမ်းနည်းခြင်းအထိမ်းအမှတ်ကာလ သတ်မှတ်ဖို့ စဉ်းစားနေတယ်လို့ ဆိုပါတယ်။
အခုဖြစ်ရပ်ဟာ စပိန်နိုင်ငံမှာ ပြီးခဲ့တဲ့ ၂၀၀၃ ခုနှစ်က မူစီယာဒေသမှာ မိသားစုဝင် ၄ ဦး အဆိပ်ငွေ့ရှူမိပြီး သေဆုံးခဲ့တဲ့ ဖြစ်စဉ်နောက်ပိုင်း အဆိုးရွားဆုံး မွေးမြူရေးခြံ မတော်တဆမှုလည်း ဖြစ်ပါတယ်။
တိရစ္ဆာန်မစင်စုပုံထားတဲ့ ကျင်းတွေဟာ လေဝင်လေထွက်မကောင်းသလို မစင်နဲ့ ဆီးတွေ အချဉ်ဖောက်ရာကနေ အောက်ဆီဂျင် လျင်မြန်စွာ လျော့နည်းသွားနိုင်စေတဲ့အပြင် ထွက်လာတဲ့ အဆိပ်ငွေ့တွေကလည်း အနံ့အသက် မရှိတာကြောင့် အလွန်အန္တရာယ်များတယ်လို့ ကျွမ်းကျင်သူတွေက ဆိုပါတယ်။
အလားတူဖြစ်စဉ်မျိုး အင်္ဂလန်နိုင်ငံမှာလည်း ၂၀၂၂ ခုနှစ်က ဖြစ်ပွားခဲ့ဖူးပါတယ်။ ချက်ရှိုင်းယားဒေသက နို့စားနွားမွေးမြူရေးခြံတခုမှာ အသက် ၄၂ နှစ်အရွယ် သားဖြစ်သူက ပိုက်ပြင်ဖို့ မစင်ကန်ထဲဆင်းရာကနေ အသက်ရှူကြပ်သွားလို့၊ အသက် ၇၂ နှစ်အရွယ် ဖခင်ဖြစ်သူက ဆင်းကယ်ရာကနေ သားအဖနှစ်ဦးစလုံး အသက်ဆုံးရှုံးခဲ့ရပါတယ်။
Ref & Photo: The Sun
မြို့တော် News Channel
နိုင်ငံတကာသတင်း
အမေရိကန် ကြားဖြတ်ရွေးကောက်ပွဲမှာ နိုင်ငံရေးအရ ထိုးနှက်ချက်ခံခဲ့ရတဲ့ သမ္မတ ဒေါ်နယ်ထရမ့်ဟာ လက်ကျန်သမ္မတသက်တမ်း ၂ နှစ်အတွင်း နိုင်ငံခြားရေးမူဝါဒ အောင်မြင်မှုရဖို့ မြောက်ကိုရီးယားနဲ့ ဆက်ဆံရေးပြန်စဖို့ ကြိုးပမ်းလာနိုင်တယ်လို့…
နိုင်ငံတကာသတင်း
အီရန်စစ်ပွဲကြောင့် ကြားဖြတ်ရွေးကောက်ပွဲမှာ ရီပတ်ဘလစ်ကန်ပါတီ ရှုံးနိမ့်ခဲ့ပြီးနောက် အမေရိကန်ကာကွယ်ရေးဝန်ကြီး ပီတ် ဟက်ဂ်ဆက်သ်ကို ရာထူးကနေ ဖယ်ရှားဖို့ ဖိအားတွေ မြင့်တက်လာပေမဲ့ ဟက်ဂ်ဆက်သ်က သူ့အနေနဲ့ နောက်ဆုတ်မှာမဟုတ်ဘဲ…
နိုင်ငံတကာသတင်း
အမေရိကန် ကြားဖြတ်ရွေးကောက်ပွဲမှာ သမ္မတ ဒေါ်နယ်ထရမ့်ရဲ့ ရီပတ်ဘလစ်ကန်ပါတီ အရေးနိမ့်သွားခဲ့တာဟာ တရုတ်နိုင်ငံအတွက် ရေတိုအကျိုးအမြတ်တွေ ရလာနိုင်ပေမယ့်၊ ရေရှည်မှာတော့ ခန့်မှန်းရခက်တဲ့ စိန်ခေါ်မှုတွေနဲ့ ရင်ဆိုင်ရနိုင်တယ်လို့ လေ့လာသူတွေက…
နိုင်ငံတကာသတင်း
အမေရိကန်နိုင်ငံရေး အပြောင်းအလဲတွေကြားမှာ ထိုင်ဝမ်အတွက် လက်နက်ရောင်းချရေးနဲ့ ကာကွယ်ရေးအကူအညီတွေကို အမေရိကန်လွှတ်တော်က ဆက်လက်ကူညီထောက်ခံသွားမယ်လို့ ထိုင်ဝမ်ကာကွယ်ရေးဝန်ကြီး ဝဲလင်တန်ကူးက ပြောဆိုလိုက်ပါတယ်။
