အသက် ၄ နှစ်အရွယ် ကလေးငယ်ကို လိင်ပိုင်းဆိုင်ရာ ပြုကျင့်ဖို့ ကြံရွယ်ခဲ့သူကို ဖမ်းဆီးအမှုဖွင့်
ဇူလိုင် ၃၁
ရန်ကုန်တိုင်း၊ သန်လျင်ခရိုင်၊ ကျောက်တန်းမြို့နယ်၊ ရွှေပျောက်ကျေးရွာအုပ်စု၊ ဆေးဘိုဝကျေးရွာမှာ အသက် ၄ နှစ်အရွယ် ကလေးငယ်ကို ခေါ်ဆောင်သွားပြီး လိင်ပိုင်းဆိုင်ရာ ပြုကျင့်ဖို့ ကြံရွယ်ခဲ့သူကို ဖမ်းဆီးကာ အမှုဖွင့်တိုင်ကြားခဲ့တယ်လို့ သိရပါတယ်။
ဇူလိုင်လ ၃၀ ရက် မနေ့က ညနေ ၅ နာရီခွဲ အချိန်ခန့်မှာ ရွှေပျောက်ကျေးရွာအုပ်စု၊ ဆေးဘိုဝကျေးရွာနေ အသက် ၂၄ နှစ်အရွယ်ရှိ သားညီ(ခ)ဗီဂျေး ဟာ တရွားတည်းနေ ဒေါ်တင်မြ(အမည်လွှဲ)ရဲ့ သမီးဖြစ်သူ အသက် ၄ နှစ်အရွယ်ရှိ မချမ်းမြေ့(အမည်လွှဲ) ကို ပွေ့ချီခေါ်ဆောင်သွားတာကို မိခင်ဖြစ်သူက တွေ့ရှိခဲ့တယ်လို့ သိရပါတယ်။
ထိုသို့တွေ့ရှိရပြီး မသင်္ကာလို့ တရွားတည်းနေ သူရလင်းချစ် နဲ့ ဟိန်းမင်းထွေးတို့ကို ခေါ်ဆောင်ကာ လိုက်လံရှာဖွေခဲ့ကြတယ်လို့ သိရပါတယ်။
လိုက်လံရှာဖွေစဉ် ဗီဂျေးကို ဆေးဘိုဝကျေးရွာအုပ်စုနဲ့ တဆက်တည်းရှိတဲ့ မြန်မာ့ဆက်သွယ်ရေး အော်တိုအိတ်ချိန်းရုံးဘေးရှိ တောထဲမှာ တွေ့ရှိခဲ့ပြီး ဗီဂျေးရဲ့ ခန္ဓာကိုယ်မှာ အဝတ်ဗလာနဲ့ ကလေးငယ်ရဲ့ ဘောင်းဘီကျွတ်လျက် အပေါ်မှတက်ခွပြီး ပါးစပ်အား လက်နဲ့ပိတ်ကာ မျက်နှာကို လက်သီးနဲ့ထိုးပြီး လိင်ပိုင်းဆိုင်ရာ ပြုကျင့်ဖို့ ကြံရွယ်နေတာကို တွေ့ခဲ့ကြရတယ်လို့ ဆိုပါတယ်။
မိခင်ဖြစ်သူက အော်ဟစ်ခဲ့တာကြောင့် ဗီဂျေးမှာ ထွက်ပြေးသွားခဲ့ပြီး သူရလင်းချစ် နဲ့ ဟိန်းမင်းထွေးတို့က လိုက်လံဖမ်းဆီးခဲ့ရာ ရွှေပျောက်-သီလဝါ လမ်းမကြီးဘေး သုံးရာသီ ထန်းရည်ဆိုင်အနီးမှာ ဖမ်းဆီးရမိခဲ့တယ်လို့ သိရပါတယ်။
လတ်တလောမှာ တရားခံ သားညီ (ခ) ဗီဂျေးကို ကျောက်တန်းမြို့မ ရဲစခန်းမှာ ဖမ်းဆီးကာ (ပ)၈၇/၂၀၂၆၊ ရာဇသတ်ကြီးပုဒ်မ - ၃၇၆/၅၁၁ နဲ့ အမှုဖွင့်ကာ စစ်ဆေးဆောင်ရွက်လျက် ရှိတယ်လို့ သိရပါတယ်။
မြို့တော် News Channel
၂၀၂၆ ခုနှစ် ဇူလိုင်လ ၃၁ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
စစ်ကိုင်းတိုင်းထဲက ခင်ဦးမြို့နယ်နဲ့ ဝက်လက်မြို့နယ်ကို အာဏာသိမ်းစစ်တပ်က တရက်တည်း လေကြောင်းကနေ ဗုံးကြဲတိုက်ခိုက်သွားလို့ အရပ်သားပြည်သူ ၁ ဦး သေဆုံးပြီး ၂ ဦး ထိခိုက်ဒဏ်ရာ ရခဲ့တယ်လို့…
ပြည်တွင်းသတင်း
အာဏာသိမ်း အစိုးရရဲ့ တတိယအကြိမ် ပြည်ထောင်စုလွှတ်တော် ဒုတိယပုံမှန် အစည်းအဝေး (၁၂) ရက်မြောက်နေ့ကို ဒီကနေ့ ဇူလိုင် ၃၁ ရက်မှာမှာ ကျင်းပခဲ့ပြီး ကိုယ့်ကိုကိုယ် ခန့်ထားတဲ့…
သင်္ကန်းကျွန်းမြို့နယ်မှာ YBS ခရီးသည်တင်ကားတစီး မီးလောင်မှုဖြစ်ပွားတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် ဇူလိုင်လ ၃၁ ရက်နေ့သတင်းများ နားဆင်နိုင်ပါပြီ
